Водородли Hyundai Tucson тезлик бўйича рекорд ўрнатди

Hyundai компанияси ёнилғи элементларида ҳаракатланадиган Tucson кроссоверининг ушбу тоифага мансуб автомобиллар учун рекорд даражада тезликка эришгани тасвирланган видеороликни эълон қилди.

Тезлик бўйича эришилган мазкур натижа Калифорниядаги Согги кўлида қайд этилди. Водородли Hyundai Tucson соатига 152,2 километр тезликкача чиқа олди. Мазкур модел учун эълон қилинган энг юқори тезлик эса соатига 161 километр эди. Кроссоверни ким бошқаргани маълум қилинмади.

Рекорд ўрнатишда қатнашган Hyundai Tucson кроссоверига 136 от кучига эга электромотор ва литий-ионли батарея ўрнатилган. Электр токи водород ва кислород ўртасидаги реакция натижасида ҳосил бўлади. Водородли Hyundai Tucson тўлдирилган битта бак билан 426 километр масофани босиб ўта олади.

Мазкур рекорд қайд этилган видеороликни қуйидаги манзил орқали томоша қилишингиз мумкин