Volkswagen Tharu: кўп чиқарилади ва арзон сотилади

Шу йилнинг мартида Пекин автосалонида Volkswagen Powerful Family SUV концепт кроссовер намойиш этилди. Энди эса унинг ялпи версияси Tharu деб номланиши маълум бўлди

Tharu ҳақида маълумот кам. Аммо Skoda Karoq кроссоверига қариндошлигини биламиз. “Шкода”дан фақат платформани эмас, мотор ва узатмалар қутисини ҳам олади. Хитойда уни Volkswagen-SAIC корхонаси ишлаб чиқаради ва йил охирига қадар сотувга чиқади. Хитойча “Фолксваген” 116 от кучига эга бўлади

Volkswagen Tharu Хитойнинг ўзи билан чекланиб қолмайди. 2020 йилга бориб Шимолий Америка учун Мексикада, Жанубий Америка учун Аргентинада уни ишлаб чиқариш бошланади.

Volkswagen компанияси Tharu кроссоверини йилига 400 минг нусхадан сотмоқчи бўляпти. Хитой ва Америка бозорининг улкан ва автомобилга чанқоқлигини эътиборга олсак, ишонса бўлади.