Volkswagen Tiguan учун иккита янги двигатель яратилди

Германиянинг Volkswagen концерни Tiguan кроссовери учун иккита бутунлай янги двигатель тайёрлади.

VW Tiguan кроссоверига Golf GTI 2,0 моделига қарашли 2,0 литрли, 220 от кучига эга агрегат ўрнатилди. Максимал айланиш моментида (350 Нм) агрегат ушбу қувватга эриша олиши мумкин. Шунингдек, янгиланган моторлар қаторида 2 литрли 240 от кучига эга TDI ҳам пайдо бўлган. Битурбо тизими туфайли ушбу автомобиль ўз сегментида энг кучли моделга айланган. Янги модификациядаги дизелли двигатель билан таъминланган VW Tiguan 6,5 сонияда 100 км/ст тезликка эришади ва максимал 228 км/ст тезликда ҳаракатланади. Янги мотор 7 поғонали коробка ва тўлиқ узатмали тизим ёрдамида бошқарилади.

Бензинли мотор эса кроссовернинг 6,5 сонияда 100 км/ст тезликка эришишини таъминлайди. Максимум тезлик соатига 220 километрни ташкил этади. Бензинли двигателнинг қолган параметрлари дизелли моторникидан фарқ қилмайди.