Volvo XC40 ҳақида янги тафсилотлар пайдо бўлди

Ушбу кроссовернинг дебюти келгуси йилнинг март ойида Женевада бўлиб ўтади. Autocar  нашри Volvo компаниясига тегишли Concept 40.1 моделининг суратларини эълон қилди. Хабарларга кўра, янги Volvo XC40  ушбу концептдан катта фарқ қилмайди.

Маълум қилинишича, янги Volvo XC40  СМА архитектурасида яратилган илк автомобиль бўлади. Бундан ташқари, кроссоверга 3 цилиндрли бензинда ҳаракатланадиган двигатель ўрнатилади. Шунингдек, моделнинг энг кучли агрегатли варианти гибрид тизимга эга бўлиши кутилмоқда.

Хэтчбек ва универсал V40 каби 40-қатордаги бошқа моделлар мазкур кроссовернинг тақдимотидан бир муддат ўтиб намойиш қилиниши мумкин.