Хитойлик ҳашамдор электровэн Iconiq Seven
Шу йил Пеббл-Бичда ўтказиладиган навбатдаги автошоуда Осиёдан бир қатор моделларнинг иштирок этиши кутилмоқда. Масалан БАА фирмаси W Motors Lykan HyperSport ва Fenyr SuperSport номли суперкарларни тақдим этса, Хитойнинг Iconiq Motors фирмаси Iconiq Seven электровэнини намойиш қилмоқчи. Энг қизиғи юқорида номи келтирилган БАА компанияси ушбу минивэн дизайнини тайёрлаган.
Iconiq Motors компанияси бундан икки йил аввал ишбилармон Алан Ву томонидан Шанхай шаҳрида ташкил этилган.
Ҳозирча электровэн ҳақида батафсил маълумот берилмаган. У 7 нафар одамни сиғдириши ва кенг ён эшикларга эга бўлиши айтилмоқда. Автомобиль, биринчи навбатда, тижорат мақсадларига хизмат қилади.
Электровэннинг прототипи Италияда компаниянинг филиали Magna Steyr ва Studiotorino ательеси томонидан яратилган.
Ҳозирча электровэннинг ялпи ишлаб чиқариши қачон бошланиши тўғрисида ҳеч қандай маълумот йўқ.
Мутахассислиги бўйича таржимон. Олти йилдан буён электрон технологиялар соҳасида ишлайди. Турли чет мамлакатларида ўтказилган конференциялар иштирокчиси.
Баҳам кўринг:
