Yangi Covid epidemiyasi sababli Xitoydagi yirik avtosalon ochilishi bekor bo'ldi

Xitoydagi eng yirik avtomobil ko‘rgazmalaridan biri – Auto Guanchjou tashkilotchilari tadbir shaharda yana bir koronavirus infeksiyasi avj olgani sababli qoldirilganini ma’lum qildi. Ko‘rgazmaning rasmiy saytidagi xabarda aytilishicha, tashkiliy qo‘mita epidemiya rivojlanishini diqqat bilan kuzatib boradi va mamlakatda kasallikning oldini olish bo‘yicha barcha joriy talablarga rioya qilgan holda avtosalon tashkil etish uchun barcha imkoniyatlarni ishga soladi.

Ko'rgazma qoldirildi, butunlay bekor qilinmadi, ammo tashkilotchilar yangi sanalarni hali e'lon qilishmadi. Dastlab 18-27-noyabr kunlari bo'lib o'tishi taxmin qilingandi. Ko'plab jahon premyeralari kutilgan edi: boshqa narsalar qatorida debyutantlar orasida Toyota bZ3 va MG Cyberster elektromobillarining ishlab chiqarish versiyalari e'lon qilindi.

Carscoops ma'lumotlariga ko'ra, Xitoy hukumatining koronavirusga qarshi kurash siyosati allaqachon bir necha bor tanqid qilingan: kiritilgan qattiq cheklovlar, jumladan, avtomobil zavodlari ishidagi ko'plab nosozliklarga olib keldi. Xususan, Tesla, Volkswagen, Toyota, NIO zavodlarining ishi to'xtatildi.

Jahon miqyosidagi navbatdagi yirik avtosalon ochilishi Los-Anjelesda bo'lib o'tadi. U Guanchjoudagi bekor qilingan shou bilan deyarli bir xil sanalarda - 18-28 noyabr kunlari bo'lib o'tadi.