Янги Land Rover Defender мана бундай қиёфада бўлиши мумкин

2019 йилда Британиялик автомобилсозлар афсонавий авторусумни қайта жонлантирмоқчи. Эслатиб ўтамиз, Land Rover Defender русумининг биринчи ва ҳозирга ягона авлодини ишлаб чиқариш шу йилнинг 29 январида тўхтатилган. Аммо мазкур йўлтанламас янги қиёфада дунёга келиши ҳақида гап-сўзлар тарқалган. Auto Bild журналистлари хабарга ойдинлик киритиш мақсадида инсайдерлардан суриштирди ва бўлғуси “Дефендер”нинг тахминий қиёфасини чизди.

Бу йўлтанламаснинг норасмий сурати эканлигини дарҳол олдиндан айтиб ўтмоқчимиз. Бироқ немис журналистлари сурат ўзлари кўрган нишона нусхага қараб чизилганлигини таъкидлашмоқда.

Аввалгиси сингари автомобиль ғилдираклар базаси икки хил вариантда бўлади. Қисқа Defender 90 йўловчилар учун қулайлик туҳфа этувчи варианти бўлса, узайтирилган Defender 110 салкам шоҳона русумнинг ўзи.

Йўлтанламасни 4 ва 6 цилиндрли дизель двигателлар ҳаракатлантиради, келажакда гибрид версиясини ишлаб чиқариш кўзда тутилган.