Янги Volkswagen тўла заряд билан 600 км йўл босади

Немис компанияси электромобиль ишлаб чиқаришга бор куч-ғайратини сарфлаётгани ҳақида уч ой муқаддам ёзган эдик. Volkswagen шу зайлда давом этса, ёнилғи қуйиш шохобчалари касодга учрайдиган кўринади.

Электромобилсозлар тобора узоқ йўл босувчи русум яратганлиги ҳақида ҳар куни эшитяпмиз ва ўқияпмиз. Сентябрнинг охирида Париж автосалонида Volkswagen яна бир пухта электромобилни тақдим этишга тайёргарлик кўряпти.

Машинанинг концепти ҳақида ҳозирча тўла билмаймиз. Айрим қисмларининг сурати кўрсатилган холос. Хэтчбек типида бўлиши маълум. Golf русумидан кўра кичикроқ бўлади. Энг муҳими, ушбу хэтчбек электр заряди билан 400 кмдан 600 кмгача йўл босади.