Япон ательеси Mercedes-AMG GT`нинг карбонли талқинини ишлаб чиқди

Япониянинг Wald International ательеси Mercedes-AMG GT – Black Bison суперкари учун стайлинг-китини тақдим этди. Кузов аэродинамик қопламасининг барча қисмлари тўлиқ карбон ёки толалар билан кучайтирилган пластикдан ясалиши мумкин.

Автомобиль ташқи қопламаси таркибидан олд спойлер ва сплиттер, кузов четлари қопламалари, қўшимча вентиляцион туйнук қисмлари, диффузорли модернизация қилинган орқа бампер ва орт спойлер ўрин олган.

Бундан ташқари, суперкар учун фирманинг ғилдирак дисклари ва тўқ сариқ рангли қопламалари (накладка)га ҳам буюртма бериш мумкин.

Wald томонидан Mercedes-AMG GT`га техник қўшимчалар киритилмаган. Суперкар саккиз цилиндрли тўрт литр ҳажмли турбомотор билан таъминланган бўлиб, 462 ва 510 от кучига тенг икки модификацияда тақдим этилади. Уларнинг биринчиси юз километр/соат тезликка чиқиши учун тўрт сония сарфласа, иккинчисига 3,8 сония керак бўлади.