Zotye компанияси Volkswagen услубида янги кроссовер тайёрлайди

Хитой компанияси таниқли русумлардан нусха олиш анъанасини давом эттирмоқда. Энди немис концернининг Cross Coupe GTE русуми ўхшашини ишлаб чиқармоқчи.

Олинган маълумотларга кўра, у “Zotye X7” деб номланади. Пекиндаги халқаро автокўргазмадан олдинроқ X7 тизери “тасодифан” интернетга тарқалиб кетди.

Автомобилшунос экспертлар янги русум Volkswagenнинг Cross Coupe GTE русумига ўхшатиб яратилишини айтмоқда. Немис машинаси 2015 йилда кўрсатилган эди. Хитой машинасининг техник кўрсаткичлари ҳам немисларникига жуда ўхшаш бўлади.

Хитой кроссоверига 1,5 ва 2 литрли турбомотор ўрнатилади. Механик ва автомат қутили версиялари мавжуд.