Апрель ойи натижаси асосида Россиядаги энг машҳур Хитой авторусумлари билан танишинг

“Автостат Инфо” таҳлилчилари Россияда апрел ойидаги автомобиль савдосини ўрганиб, Хитойнинг энг харидоргир брендлари рўйхатини тузди. Маълум бўлишича, SUV сегмент вакили Lifan X60 рўйхатда етакчидир. Бир ой ичида мамлакат бўйлаб 500та сотилди. Бу ўтган йилги кўрсаткичдан 5,1 фоизга кам.

Geely Emgrand

2016 йилнинг апрели натижаларига кўра, иккинчи ўринни Geely Emgrand эгаллади. У 451 дона сотилган бўлиб, бу ўтган йилгидан 55,5 фоизга ортиқ кўрсаткич. Учликни Chery Tiggo русуми якунлайди. Россиялик харидорларнинг 231 нафари шу автони танлаган (-13,5 фоиз).

Chery Tiggo

Бренд автомобиллари бўйича умумий олиб қараганда энг харидоргир марка Lifan бўлиб, 1246 машинаси сотилган (76,7 фоизлик ўсиш). Иккинчи ўриндаги Geely маркаси 591 машинасини сотишга муваффақ бўлган (+18,2 фоиз). Учинчи поғонадаги Chery 425та автомобилини сотган (-25,8 фоиз).

Кўриб турганинингиздагидек, харидоргир русумларнинг барчаси харидоргир брендларга тегишлидир.