AvtoVAZ LADA e-Largus elektromobili kontseptsiyasini namoyish etdi

O'tgan payshanba, 4 avgust kuni LADA Izhevsk avtomobil zavodida LADA e-Largus elektr kontseptsiyasi namoyish etildi. Eslatib o'tamiz, ushbu modelni bir kun avval AvtoVAZ prezidenti Maksim Sokolov e'lon qilgan edi.

Ishlab chiqaruvchi e-Largus loyihasiga oid aniq tafsilotlarni oshkor qilmadi. Biz bilgan yagona narsa - bitta batareya zaryadida quvvat zaxirasi. Avtograd News hamjamiyatining insayderlariga ko'ra, yo'lovchi versiyasida u 350-400 kilometrni, yuk versiyasida esa 200 dan 250 kilometrgacha masofani bosib o'tadi.

LADA e-Largus elektromobilining narxi haqida faqat taxmin qilish mumkin. "Za Rulem" jurnali bosh muharriri Maksim Kadakovning so'zlariga ko'ra, bunday mashinaning narxi 2,5 - 3 million rubl(451 200 000 so'm) oralig'ida bo'lishi kerak - bu avtomobil turiga va hozirgi bozor munosabatlariga bog'liq bo'lgan narx.