АвтоВАЗ LADA Vestaнинг мотори, опциялари ва рангидан сўз очди

Эндиликда Лада Вестанинг ўз сайти бор ва автомобилга оид барча маълумотлар шу сайтда эълон қилиб борилади. 24 ноябр куни промо-сайтда седаннинг комплектациялари ва нархи ҳақида хабар берилади.

Ҳозирча, моделга тегишли бўлган мотор билан танишиб турамиз.

Мотор қайта такомиллаштириб яратилаётганда ёнилғи сарфи, эластиклик, шовқин даражаси, титраш ва заҳарлилик кўрсаткичлари ҳисобга олинган. Цилиндрлар блоки қаттиқлашган, мойлаш ва ёқилғини юбориш тизими, қўшимча агрегатлар илгаги (навеска), двигатель осмаси (подвеска), ишланган газларни чиқариб ташлаш тизими, двигателни бошқариш элементлари тўплами ўзгарган.

Энг биринчи ишлаб чиқариладиган версия 1,6 литрли (106 от кучи) моторга эга. Бу двигатель ёрдамида Лада Веста 100 км/соат тезликка 11,8 сонияда эришади. Ёнилғи сарфи 100 кмга 7,5 литр. Вестанинг энг юқори тезлиги 178 км/соат.

Вестанинг клиренси (машина тубининг энг пастки нуқтаси ва ер орасидаги масофа, бу автомобиль ўтувчанлигига таъсир кўрсатади) 178 мм, машинанинг шағалда юришига ҳам ҳимоя чоралари мавжуд.

Веста ўн хил рангда ишлаб чиқарилади: “Плутон” (тўқ кулранг), “Платина”, “Криптон” (тўқ зангори), “Қора марварид”, “Ангкор” (жигарранг), “Блюз” (кўк), “Фантом” (кулранг-кўк), “Лайм”, “Сердолик” (қизил) ва “Музли” ранглари.

Комплектациясига қараб автотезлик (круиз-контроль, тезликни ўзгартирмасдан бир хилда сақлаш тизими) функцияси, орқани кўрсатувчи камера қўшилиши мумкин

Вестанинг кафолат муддати 5 йил.