Чангютгичдан электромобил ишлаб чиқаришга

Британиянинг Dyson компанияси электрли автомобиль ишлаб чиқаришни мўлжалламоқда. Британия ҳукумати компанияга машинани яратишда кўмаклашади, деб хабар бермоқда The Guardian нашри.

Dyson  Малмсберидаги штабквартирасида электромобиль яратиши учун ҳукумат 174 млн фунт сармоя киритади, 500 иш жойи (асосан, инженерлик мутахассисликлари) ташкил топишига кўмаклашади.

Dyson вакиллари электромобиль устида ишланаётганлиги ҳақидаги хабарни тасдиқламади, аммо рад этгани ҳам йўқ. Шу билан бирга “устида ишланаётган маҳсулот тўғрисида ҳеч қандай изоҳ берилмайди”, деб қўшиб қўйди.

Dyson фақатгина чангютгич эмас, кема, қуритгич (сушилка), парраксиз вентилятор ишлаб чиқарган.