Chevrolet компанияси SS седанига тажовузкорликни қўшди
Chevrolet компанияси янгиланган, энг кучли моторга эга SS седанини тақдим этди. Янги машина рейстайлинггача бўлган моделдан нисбатан тажовузкор (агрессив) кўриниши ҳамда модернизация қилинган овоз чиқариш тизими билан фарқ қилади.
Седан кузовининг олд қисми бироз ўзгарган, унга қўшимча равишда «олд ғилдираклар устидаги ҳаво оқимини оптимизация қилиб, аэродинамикани яхшилашга хизмат қиладиган» хромланган улоқлар ва вертикал тоннеллар қўйилган.
Chevrolet SS капот устидаги вентилация туйнуклари, янги ёруғлик диодли кундузги чироқлар ва янги дизайндаги 19 дюймли алюминийли ғилдирак дисклари билан таъминланган. Шунингдек, автомобилга «паст тезликда пастроқ, энг юқори тезликда эса баландроқ» жаранглайдиган янги овоз чиқариш тизими ўрнатилган.
Янгиланган Chevrolet SS’га ҳажми 6,2 литр, қуввати 420 от кучига тенг саккиз цилиндрли эски моделдаги двигатель ўрнатилган. Двигатель олти босқичли механик узатмалар қутиси ёки худди шундай диапазонли «автомат» билан бирга ишлайди. Седан 4,7 сонияда соатига 96 километр тезликка эриша олади.
Рестайлинг қилинган моделнинг нархи ҳозирча маълум қилинмаяпти. Ҳозирги вақтда АҚШда 2015 модель йили доирасида ишлаб чиқарилган энг оддий Chevrolet SS 45,7 минг доллардан сотилмоқда.