Энди Chevrolet Orlando ишлаб чиқарилмайди

GM Uzbekistan жорий йилнинг биринчи чорагида Chevrolet Orlando автомобилини ишлаб чиқаришни тўхтатади. General Motorsнинг глобал стратегиясига мувофиқ мазкур қарорга келинган. Бу ҳақда Газета.уз хабар берди.

“Орландо” минивэнига талабномаларни қабул қилиш тўхтатилган. Шу билан бирга харид шартномасини тузганларга автомобиль етказиб берилишини GM Uzbekistan таъкидлаб ўтди.

GM Uzbekistan етти ўриндиқли Chevrolet Orlando минивэнини 2014 йилдан бери ишлаб чиқаради. Минивэн Хоразм вилоятида йиғилган. Ҳаммаси бўлиб 4 мингтача Chevrolet Orlando ишлаб чиқарилган. Айтиб ўтиш керакки, Orlando халқимиз орасида унча оммалашмади.

Маълумот ўрнида. Chevrolet Orlando биринчи бўлиб 2008 йилда Париж автокўргазмасида концепт-кар кўринишида намойиш этилган. 2010 йилдан серияли ишлаб чиқарила бошланган. Ҳозирга қадар Хитойнинг Кунсан, Вьетнамнинг Ханой, Россиянинг Калининград ва Ўзбекистоннинг Хоразм вилоятларини йиғилган.