Энг тезкор дрифт бўйича Гиннес рекорди ўрнатилди. Видео
Nissan компанияси тарқатган видеолавҳада GT-R Nismo суперкари аэропорт йўлагида шиддат билан учиб юргани акс эттирилган.
Рулда Япония чемпиони Масато Кавабата ўтирибди. Машина дрифт учун махсус кучайтирилган: 3,8 литрли V6 двигатель қуввати 1500 от кучига етади.
Спорткар 30 градус бурчак остида 304,96 км/соат тезликда сирғаниб борди! Аввалги рекорд 256 км/соат.
Carzone.uz изоҳи: Дрифт (инг. Drift) автоспорт турларидан бири бўлиб, сирпанчиқ йўлда кескин бурилиш техникаси, машина кетини атай қия буриб ҳаракатланиш намойиш этилади. Дрифтингда орқа узатмали автомобиллар иштирок этади.