Эскича кўринишдаги Jaguar спорткари бир миллион долларга баҳоланди

Британиянинг мумтоз Jaguar E-Type спорткарлари реставрацияси билан шуғулланувчи Eagle компанияси ўзининг учинчи модели –Spyder GT родстерини намойиш қилди. Аввалги спорткарлар сингари янги автомобиль ҳам чекланган ададда ишлаб чиқарилади: улар сони бор-йўғи ўн донани ташкил этади. Ҳар бир моделнинг баҳоси 650 минг фунт (1 миллион АҚШ доллари).

Битта E-Type реставрацияси учун ателье ўртача саккиз ой вақт сарфлайди. Мижозларга олти цилинрли уч хил двигатель – ҳажми 3,8 ва 4,2, шунингдек, 4,7 литр бўлган агрегат ўрнатилган автомобиллар таклиф қилинади. Уларнинг энг сўнгиси нисбатан оммавий бўлиб, 354 от кучига тенг. Двигатель олти босқичли тезлик узатмалар қутиси билан ҳаракатланади.

Spyder GT`дан ташқари, Eagle компанияси 4,7 литр ҳажмли, беш босқичли “механика” билан ишлайдиган ҳамда нархи бир миллион доллар бўлган иккита Speedster (“спидстер” кузовли) ва Low Drag GT (купе)ни ҳам намойиш қилди.

2014 йилнинг августида эса Jaguar компанияси алюмин кузовли мумтоз E-Type Lightweight купесини чекланган ададда ишлаб чиқаришни қайтадан йўлга қўйган эди. британлар ҳар бири 1,2 миллион евро турувчи олтита ана шундай автомобилни ишлаб чиқаришни режалаштирган.