Ford: кондиционер сувини ичинг

Further with Ford йиллик конференциясида компания ғаройиб қурилмаларини намойиш этди.

Уларнинг бири On-the-go H2O тизими бўлиб, автомобилнинг марказий тоннелига сув крани ўрнатилгандир. Ундан кондиционер суви оқади.

Конденсат сақлаш учун машина тубида фильтрли махсус бак бор. Ford инженери Дуг Мартин крандан оддий ичимлик суви оқаётганлиги ва уни бемалол ичиш мумкинлигини уқтирмоқда.

Бироқ бу фикрга ҳамма ҳам қўшилмайди. Кўпгина турдаги кондиционерлар бактерияларни ўзига тўплайди, хусусан легионелла бактериясини юқтириб, леогинеллёз касаллигига чалиниш хавфи баланддир. Ҳаттоки, кондиционер тоза ҳолатда бўлса ҳам ундаги дистилланган сувни кўп миқдорда ичса, организмдаги керакли тузлар миқдори камайиб кетиши мумкин. Carzone.uz сизга кондиционер сувини ичишни тавсия қилмайди.