Fransiya elektromobillarsiz qolishi mumkin
Fransiyada qish faslida elektromobillarni quvvatlash muammoga aylanadi.
Fransiya gaz yetkazib berish bilan bog‘liq muammolar tufayli juda murakkab vaziyatlarga to‘la qish faslidan talafotsiz o‘tib olishga tayyorlanmoqda.
Elektr energiyasini uzatish tizimi operatorlari elektromobillarni tezkor quvvatlash stansiyalarini tarmoqdan uzib qo‘yish taklifi bilan chiqishmoqda. Quvvatlash stansiyasi xodimlari esa shokda.
Qanday qilib elektr energiyasini tejash mumkinligi ustida bosh qotirgan Fransiya elektr energiyasini uzatish tizimi 8:00dan 13:00 gacha va 18:00 dan 20:00 gacha elektromobillarni quvvatlash stansiyalarini elektr tizimidan uzib qo‘yishga qaror qildi. Bu paytda elektr energiyasiga bo‘lgan talab juda yuqori bo‘ladi. Kunduz kuni ishga ketayotganlar foydalanadigan bupaytda tezkor quvvatlash terminallari bir qancha xonadonlarga yetadigan elektr energiyasini sarflaydi.
Tezkor quvvatlash stansiyalarining operatorlari bu qarorga qarshi bo‘lmasa-larda bir necha muqobil variantlarni ham taklif etishmoqda.
«Bizning barcha terminallarimiz masofadan boshqariladi. Eng tezkor qurilmamiz 300 kVt gacha quvvat bilan ta’minlaydi. Biz bu quvvatni 100 yoki 50 kVt gacha cheklashimiz mumkin,- deydi Power Dot kompaniyasi direktori Mate Disham. Biz qachon elektr energiyasiga talab yuqori yoki kam bo‘lganidan kelib chiqib, bonus-malus tizimini o‘rnatishimiz mumkin. Shunda elektr tarmog‘iga talab yuqori bo‘lganda ko‘proq, elektr energiyasiga bo‘lgan ehtiyoj kamroq bo‘lganda esa kamroq to‘lashingiz mumkin bo‘ladi».
Fransiya hududida atrof muhit ekologiyasini yaxshilash va elektromobillarga bo‘lgan talabni yanada oshirish maqsadida deyarli 70 mingta jamoat quvvatlash stansiyalari ishlaydi. Shuni aytib o‘tish kerakki, Fransiyada bir qancha atom elektr stansiyalarining faoliyati ta’mirlash uchun bemavrid to‘xtatilgan.