GEELY янги кроссовер ишлаб чиқаради

Хитойнинг Geely компанияси Emgrand Cross деб номланган янги кроссовери расмини тарқатди. Расмдан кроссовер компаниянинг сўнгги русумлари услубида ишланганлиги сезилади. Ҳали Emgrand Cross оммага намойиш этилмади, шунга қарамасдан Россия бозорларида сотилишини Geely олдиндан эълон қилди.

Ушбу кроссовер қиёфасини яратиш учун Volvo компаниясида кўп йиллар бош дизайнер лавозимида ишлаган мутахассис Питер Хорбери ҳисса қўшган.

Ҳозирча кроссовернинг техник тавсифи баён этилмади.

Emgrand Cross шу йилнинг иккинчи ярмидан савдога чиқарилади. Келгуси йилда Россияда сотилиши бошланади, бундан ташқари Белоруссия ҳудудида ишлаб чиқариш ҳам мўлжалланмоқда.

Geely автомобиль компанияси 1986 йилда ташкил топган бўлиб, Хитойнинг ўн йирик автомобилсозлик компаниясидан бири саналади. Компания автомобиллари 18та заводда (9таси Хитойда) ишлаб чиқарилади ва жаҳоннинг 32 мамлакатида сотилади (2015 йил ҳолатига кўра). Сўнгги йилларда фаолиятини электромобиль ишлаб чиқаришга йўналтирмоқда. Компания шиори — Happy Life, Geely Drive!