Кia компанияси Optima’нинг универсал варианти чиқарилишини тасдиқлади

Kia компанияси янги авлод Optima универсали ишлаб чиқарилишини расман тасдиқлади. Жанубий Корея компанияси вакиллари бу ҳақда Франкфурт автосалонида маълум қилди.

Беш эшикли янги автомобиль 2015 йил баҳорида Женева автосалонида намойиш этилган Sportspace концепт-кари услубида тайёрланади.

Kia Optima универсали

Универсалнинг двигателлари тўплами седанники билан бир хил бўлади. Моделнинг Европа учун чиқарилган версияси 163 от кучига эга бўлган, ҳажми икки литрли бензин двигатель ва ҳажми 1,7 бўлган, 141 от кучига эга дизель двигатель билан таклиф қилинади. Биринчи двигатель механик ёки олти босқичли «автомат» узатмалар қутиси билан ишласа, иккинчиси босқичлари сони еттита бўлган икки улашли «робот» билан жуфтликда ҳаракатга келади.

Kia Optima седани

Седаннинг Европадаги савдолари 2015 йил охирида бошланса, универсал 2016 йилнинг биринчи чорагида компания шоурумларида пайдо бўлади. Айнан шу вақтда Optima’нинг двигатели кучайтирилган тўрт эшикли версияси — GT ҳам сотувга чиқади.

Kia Optima GT седани

Optima GT седани икки литрли «турбо-тўртлик» билан таъминланган бўлиб, бу мотор 245 от кучига эга ва олти босқичли «автомат» билан бирга ишлайди. Янги автомобиль 7,4 сонияда 100 тезликка чиқади, энг юқори тезлиги эса электроника воситасида соатига 240 километр билан чеклаб қўйилган.