Малайзияда қиммат бўлмаган седан ишлаб чиқарилади

Сўнгги пайтларда Малайзияда бир нечта арзон седанлар пайдо бўлди. Яқинда ихчам Perodua Bezza мамлакат бозорига таништирилган бўлса, энди тўрт эшикли учинчи авлод Proton Persona номли автомобиль харидорлар эътиборига ҳавола этилмоқда. Ушбу бренд тахминан 25 йилдан буён бозорда мавжуд: ўтган асрнинг 90-йилларида мамлакатда йиғилган Mitsubishi Lancer (ҳатто бу моделлар Россияда ҳам сотилган) шу ном остида сотилган бўлса, 2007 йилда Lotus фирмаси билан ҳамкорликда иккинчи авлод Persona автомобили тайёрланган. Агар юқоридаги иккита машина гольф-классга мансуб бўлган, янги Proton Persona эса ихчам B+ сегментига тегишли.

Моделга бундан икки йил аввал Малайзияда ишлаб чиқарилиши бошланган  Proton Iriz асос сифатида хизмат қилади. Кузовнинг орқа тарафдаги иккинчи қисми тўлиқ янги кўринишга эга бўлган, аммо ғилдирак базаси (2555 мм, Лада Вестадан 80 миллиметрга кичик) ва корпус баландлиги (1554 мм) ўзгартирилмаган. Моделнинг олд қисми хэтчбекка нисбатан бироз янгиланган, умумий узунлиги 4387 мм, юкхонанинг ҳажми эса 510 литр.

Proton Persona’нинг салони ҳам хэтчбекники каби жиддий руҳда ишланган, фақат баъзи кичик элементлар билан бир-биридан фарқ қилади. Бошланғич комплектациядаги седан версиясига иккита хавфсизлик ёстиғи, АБС, стабилизация тизими, кондиционер, аудиосистема ва парктроник  ўрнатилган. Бошқа янада такомиллашган позиция эса 6 та хавфсизлик ёстиғи, чарм ўриндиқлар, DVD кўзда тутилган мультимедиа тизими ва навигаторга эга.

Автомобиль 1.6 VVT, 107 та от кучи қувватидаги двигателда ҳаракатланади. Машина 5 поғонали узатмалар механизми ёки вариатор ёрдамида бошқарилади. Қизиғи,  Proton Iriz  1,3 литрли мотор билан таъминланган, аммо янги седанда бу ҳажмдаги двигателдан фойдаланилмаган. Сабаби компания шу йилнинг кузида 1,3 литрли двигателга эга янада арзон турадиган тўрт эшикли Proton Saga  маркасини тақдим этиш мақсадида.

Айнан Proton Saga Малайзиядаги энг арзон седан бўлиши кутилмоқда. Умуман олганда, Persona ҳам қиммат эмас (11500 – 14900 АҚШ доллари), чунки у билан бир сегментдаги Honda City ёки Toyota Vios бир ярим баравар қиммат сотилади. Лекин Perodua Bezza модели билан рақобат жиддий тус олиши мумкин.