Mersedes-Benz бутун дунё бўйлаб 800 000 дан ортиқ дизел автомобилларини қайтариб олади

Mersedes-Benz компанияси бутун дунё бўйлаб 800 000 дан ортиқ автомобилларини қайтариб олиш жараёнини бошлайди. Сабаб эса, баъзи ҳолларда машинада ёнғин келиб чиқиш хавфига олиб келиши мумкин бўлган носозлик бўлган. Бу ҳақда Bild газетаси автоконсернинг ўз қўлига тушган мижозларга юборган хатига таяниб хабар бермоқда.

Манбага кўра, муаммо 2017 йилнинг январидан 2021 йилнинг октабригача ишлаб чиқарилган GLS, GLE, GLC, шунингдек, C-, E-, S- ва CLS-классли дизел автомобиллари партиясида бўлган. Ушбу машиналар ОМ654 ёки ОМ65 дизел двигателлари билан жиҳозланган бўлиб, унда нотўғри совутиш насоси ўрнатилган бўлиши мумкин, бунинг натижасида баъзи ҳолларда ёнғин хавфини туғилишини истисно қилиб бўлмайди.

Айни дамда носоз автомобиллар эгалари коронавирус пандемияси фонида зарур эҳтиёт қисмлар етишмаслиги сабабли сервис марказларига мурожаат қила олмайди. Шу сабабли, Mersedes-Benz ҳайдовчиларга эслатиб ўтилган автомобил моделларидан фойдаланишни  минимал даражада чеклашни маслаҳат беради.