Москвада илк марта икки қаватли тоннел қурилди
Россия пойтахтининг мэри Сергей Собянин винчестер типидаги тоннелни очиб берди.
Винчестер типидаги тоннелнинг ўзига хослиги шундаки, транспортлар унда қарама-қарши йўналишда эмас, устма-уст ҳолатда ҳаракатланади. Мазкур тоннел Халқ кўнгилли қўшини (Народного Ополчения) ва Берзарин кўчалари кесишмасида жойлашган.
Пастки тоннел 12,5 м чуқурликда жойлашган бўлиб, узунлиги 786 м. Юқори қаватдаги тоннел чуқурлиги эса 10 м ва узунлиги 542 м.
Ҳар бир йўналишда учтадан ҳаракатланиш полосаси мавжуд. Ташқарига чиқиш учун яна иккита полоса бор. Йўлнинг эни тораядиган бу турдаги тоннел Россияда биринчи марта қурилди.