Moto GP: KTM янги RC16 мотоциклини намойиш этди

«Red Bull Ring» автодромида ўтказилаётган Moto GP чемпионатининг Австрия гран-приси доирасида Австриянинг KTM компанияси ўзининг янги KTM RC16 мотоциклини тақдим этди. Модель 2017 йилдаги мавсумдан бошлаб чемпионатда доимий асосда иштирок этади.

Кейинги йилдаги чемпионатларда KTM барча тоифаларда:  Red Bull MotoGP Rookies Cupдан бошлаб Moto3 ва Moto2 турниригача, жумладан, MotoGP биринчилигида ҳам тақдим этилади.

2017 йилда ўтказиладиган MotoGP чемпионатида Red Bull KTM Factory Racing Team жамоасида испаниялик Пол Эспаргаро ва ҳозирда Yamaha учун курашаётган британиялик Брэдли Смит қатнашадилар. Янги байк KTM RC16 2015 йилдан эътиборан кенг камровли синовлардан ўтказилиб келинмоқда. Моделнинг дебюти 2016 йил Валенсияда ўтказиладиган Испания гран-присининг финалида бўлиб ўтади.

Бу пойгада жамоа Мики Каллио бошқаруви остидаги битта мотоцикл билан қатнашади.