Nissan “кичик” Titan пикапини тақдим этди

Nissan компанияси Titan пикапи – ўтган йилнинг январь ойида намойиши ўтказилган тўлиқ ҳажмли Titan XD пикапининг “кичик укаси”ни тақдим этди. Янги машина XD модификациясидан 37 сантиметр кичикроқ бўлиб, бензинли двигатель билан таъминланган.

Nissan топ-менежери Рич Миллернинг сўзларига кўра, “қисқа” Titan`да XD модификацияси шассисида қўлланилган бирорта ҳам умумий қисм йўқ. Яъни, янги автомобиль бутундай бошқа платформа устига бунёд этилган. Моделнинг узунлиги 5,8 метр бўлиб, эни (икки метр) ва кибина ўлчамлари “эски” пикап билан бир хил.

Машина учун беш хил комплектацияда таклиф этилади. Уларнинг учтаси кабина услубида бўлса, қолганлари юк майдончаси (узунлиги 1,6 метр, 2 метр ва 2,5 метр) усулида.

Пикап саккиз цилиндрли 5,6 литр ҳажмга эга бензинли мотор билан таъминланган бўлиб, қуввати 390 от кучи ёки 543 Нм айлантириш лаҳзасига тенг. Двигателда бевосита ёнилғи юбориш имконияти мавжуд бўлиб, газ тақсимлаш фазаси ва клапанлар баландлигини ўзгартириш тизими ҳамда сиқишнинг энг юқори босқичи (11.2:1)га эга. Агрегат етти босқичли автомат тезлик узатмалар қутиси билан жуфтликда ишлайди.

Кейинроқ “Титан”да V6 бензинли двигатель ҳам пайдо бўлади. Унинг қачон пайдо бўлиши эса маълум қилинмади.

Янги автомобиль савдоси АҚШда шу йилнинг ёзидан бошланади.