Нью-Йорк автосалонининг энг муҳим янгиликлари (1-қисм)

Авто Mail.Ru таҳририяти АҚШ автосалони тақдимотларини ёритиб бормоқда.

Мана бу автосалоннинг кутилмаган совғаси. “Йилнинг энг яхши автомобили” номи эълон қилинди — Mazda MX-5 родстери.

Mazda MX-5

Kia йирик седан видеосини намойиш қилди. У иккинчи авлод Cadenza бўлиб, Optima ва Quoris русумлари орасидан жой олади. АҚШда Kia Cadenza 3,3 литрли 290 от кучига эга мотор билан сотилади.

Нью-Йорк моторшоусига энг серқатнов маркалардан бири Maserati саналади. Америкаликлар Levante кроссоверини кўришни жуда хоҳлаган. Сиз ҳам томоша қилинг, марҳамат.

Бу Hyundai компаниясининг Genesis New York Concept номли нишона нусхасининг расмидир. Кореяликлар BMW 3-синф русуми билан беллашмоқчи. Шунингдек, Mercedes-Benz, Audi ва Jaguarлар билан ҳам. Техник кўрсаткичлари ошкор этилмади, бу фақат томошабинларни қизиқтириш учун.

Genesis New York Concept

Jeep Grand Cherokeeнинг биратўла икки версиясини кўрсатди.

Jeep Grand Cherokee Trailhawk

Jeep Grand Cherokee Trailhawk

Trailhawk салони қимматбаҳо чарм ва замшдан  қулинг ўргилсин қилиб безатилган. Йўлсизлик шароитида юриш учун кўплаб қўшимча қурилмаларга эга.

Jeep Grand Cherokee Summit

Jeep Grand Cherokee Summit

Jeepнинг бу версияси дабдабали кўриниши билан ажралиб туради

Бу Subaru Imprezaнинг Нью-Йоркда тақдим этилган биринчи видеосидир. Аввал фақат седан суратини кўрсатишган бўлса, бу гал беш эшикли хэтчбекни кўриб турибмиз.

Toyota моторшоуда Prius Prime русумини тақдим этди. Унинг диққатга сазовор жиҳати уйдаги розеткадан қувватлантириш мумкинлигидир. Электромотор 73 от кучини беради. Тойотачилар фақат электромоторнинг ўзи билан 35 км йўл босиш мумкин, дейишмоқда. Машинанинг ўртача ёнилғи сарфи кишини ҳайратга солади – 100 кмга 1,4 литр!

Prius Prime

Nissanнинг моторшоуга туҳфаси – янгиланган GT-R. Кузовининг олд қисми тамоман янгича тусда. Радиатор панжараси катталашган ва хромланган, олд бампер ўзгарган. Салонда ускуналар панелига чарм билан бадиий тарзда ишлов берилган. Бошқарув тугмалари сони камайган.

Nissan GT-R

Бу эса Audi R8 русумининг усти очиқ версияси бўлиб, номи Spyder. Томи 20 сонияда йиғиштирилади. 5,2 литрли атмосферали V10 двигатели бор. 540 от кучига эга бўлиб, 100 км/соат тезликка 1612 кг вазни билан 3,6 сонияда эришади. Энг юқори тезлиги 318 км/соат.

Audi R8 Spyder

Audi R8 Spyder жорий йилнинг иккинчи ярмидан бошлаб сотилади. Европада унинг нархи 179 минг евро.

Renault бир неча йилдан бери Twizy номли митти электромобиль ишлаб чиқармоқда. Худди шундай ўйинчоқсимон машинани энди Nissan ҳам чиқаради. Номи — NMC (New Mobility Concept).

NMC (New Mobility Concept)

Nissan NMC атиги 17 от кучига эга. Тезлигини 40 км/соатга чиқара олади. тўла заряд билан 64 км йўл босади. Гарчи тўлақонли автомобиль деб аташ қийин бўлса-да, АБС, хавфсизлик тасмаси ва ёстиғи ҳамда барқарорлаштириш тизими бор.

Сан-Францискода 6 долларга ярим соат, 80 долларга эса бир кун мини-автомобилни ижарага олса бўлади.