Осмон остидан океан ортига

Хитойнинг GAС автоконцерни Fiat Chrysler ёрдамига таяниб, АҚШ автомобиль бозорига киришни мўлжалламоқда. Бу ҳақда GAC бош директори Пекин кўргазмасида ахборот берди.

Эслатиб ўтамиз: Хитой бренди АҚШ бозорига кириш режаларини кўпдан бери ишлаб чиқаётибди. Экспертлар океан ортига GAC Trumpchi GS8 катта кроссоверлари келтирилишини тахмин қилишяпти, чунки АҚШликларга шу русум жуда ёқади.

Хитой компанияси анчадан бери дунё концернлари  билан алоқа ўрнатиб, улардан фойдаланмоқда. Масалан, GAC кўпдан бери Mitsubishi, Honda ва Toyota билан ҳамкорлик қилади. Улар ортидан АҚШга Хитойнинг бошқа концернлари ишлаб чиқарган автомобиллар ҳам етказиб берилиши мумкин.