“Sony” компанияси “Honda” билан биргаликда электромобиль ишлаб чиқаради

Ҳозирча янги қўшма корхонанинг ҳали номи ҳам йўқ.

Sony компаниясининг жорий йилда Honda Мotor билан қўшма корхона ташкил этади, у 2025 йилда электромобилнинг биринчи серия моделини етказиб беришни бошлайди.

Пресс-релизда ҳамкорлар бу алянсда Honda электромобиллар ишлаб чиқариш учун масъул бўлишини, Sony эса дастурий экотизимни таклиф қилишини яширишмади. Аввалроқ Sony ўйин консоллари сегментида бўлгани каби тегишли хизматлардан барқарор пул оқимларини келтириб, обуна асосида транспорт воситаларини сотишни хоҳлашини айтди.

Sony ва Honda ўртасидаги янги қўшма корхонанинг ҳали номи ҳам йўқ, у фақат “Янги компания” (New Company) деб аталмоқда. Қўшма корхона ушбу йилда иш фаолиятини бошлайди. Honda, шунингдек, электромобилларни сотишдан кейинги хизмат кўрсатиш учун ҳам жавобгар бўлади ва Sony борт дастурий таъминотини мунтазам янгилаб туриш ва умуман таклиф қилинган “мобиллик хизматлари” инфратузилмасини қўллаб-қувватлаш мажбуриятини олади.

Эслатиб ўтамиз, Honda Motor Шимолий Америка бозорида General Motors билан ҳамкорлик қилиш ва ушбу автомобил ишлаб чиқарувчининг Ултиум платформасидан фойдаланиш орқали электромобиллар сотувини йўлга қўйишни илгари сурмоқчи. Prologue кроссовери келаси йили АҚШ бозорига чиқади, кейинроқ Аsura модели чиқади. Келажакда Honda америкалик харидорларга ўз дизайнидаги электромобилларни таклиф этиш ниятида ва 2040 йилга бориб жаҳон бозорида ички ёнув двигателли автомобиллар савдосидан бутунлай воз кечади.