TopCar Женева автосалонига Mercedes-Benz GLE Coupe`нинг ўз талқинини тайёрлади

Россиянинг TopCar ательеси Женева автосалонига Inferno номини оладиган Mercedes-Benz GLE Coupe кроссоверини яратиш бўйича ўзининг янги лойиҳасини тайёрлади. Ҳозирча компания фақатгина кузов тўсиқларини тақдим этди, моделнинг техник кам-кўстларини ниҳоясига етгани ҳақида маълумотлар мавжуд эмас.

Аэродинамик тўсиқлар таркибидан янгича кўринишдаги бампер, ўзгача радиатор панжараси, олд ва орқа қанотлар кенгайтиргичи, қўшимча ҳаво жамлагичларга эга орқа эшиклар, орқа диффузор (гидроаэродинамикада тўхтатиш тизимида суюқлик ёки газ ўтадиган қувурлар участкаси), шунингдек, олд ва орқа спойлер (автомобиль ортига ҳаво қаршилигини енгиш ва безак сифатида ўрнатиладиган қанотсимон мослама) ўрин олган.

Mercedes-Benz GLE Coupe кроссовери учун 333 ва 367 от кучига тенг олти цилиндрли бензинли турбомоторлар таклиф қилинмоқда. Шу билан биргаликда, саккиз цилиндрли 557 ва 585 от кучига эга AMG-модификациялар ҳам ўрнатилиши мумкин.

Россияда кроссовер нархи 4,87 миллион рублдан бошланади. Энг қиммат талқини эса 8,48 миллион рублга таклиф этилади.