Тундразин

Ҳақиқий лимузин, саккизта эшик ва 3,5 тонна оғирликка эга бўлиши керак, деб ҳисоблайди тойотачилар. SEMA тюнинг тадбирида “Тундра” асосли лиму-пикап Tundrasineни намойиш этишди.

5,7 литрли V8 двигатель 380 от кучига эга, 6 поғонали автомат ва тўла узатмали автомобиль. Ўриндиқлар икки тарафлама алоҳида қаторга ўрнатилган. Бу худди самолёт бизнес-класс ўринларини эслатади. Орқада эса каттакон диван, мультимедиа тизими, бир қанча дисплейлар йўловчи учун. Интерьерга чарм ва ёғочдан сайқал берилган.

Эшиклар сони, ҳақиқатан, саккизта ва уларга автоматик зинапоялар ўрнатиш кўзда тутилган. Ҳисоб-китоблар бу автомобиль 3618 кг тош босишини кўрсатди, яъни одатий Tundra моделидан бир тоннача ортиқроқ.

Туғруқхонадан чақалоқни олиб чиқиш, тўй ва тантаналар учун буюртмалар қабул қилинади, қачонки ушбу маҳобатли машина серияли ишлаб чиқарилиб сотилганида ва Ўзбекистонга етиб келганида.