Туркиялик мотоциклчи тезлик рекордини янгилади

Туркиялик Кенан Сўфиўғли Kawasaki Ninja H2R русумли мотоциклида янги тезлик рекордини ўрнатди.

У дунёнинг энг узун тўрт осма кўпригидан бири бўлган Туркиянинг Усмон Ғози кўпригидан 30 сония давомида 400 км/соат тезликда ўтди. Кўприк узунлиги бир ярим км. Бу ҳодиса Усмон Ғози кўприги очилишига бағишланди.

Мотоциклга пойга учун махсус ёнилғи тўлдирилган. Мутахассислар эса мототехникага бир қанча қўшимча аэродинамик элементлар ўрнатган. Бир неча детали енгилроғига алмаштирилган.

Шиналарига шиддатли тезликка бардош бериши учун махсус таркибли ёғ суртилган.

Кенан Сўфиўғли Supersport синфидаги жаҳон чемпионатида етакчи ўринда туради. У ушбу рекордни ўрнатиш учун тўрт ой тайёргарлик кўрганини айтди.