“УАЗ” компанияси “буханка”сини янгилади

Россиянинг “УАЗ” компанияси халқ орасида “буханка” деб номланган тижорий автомобилларнинг янгиланган сафини намойиш қилди. Машиналар янги асбоблар панели ҳамда бўйламасига созланадиган ва қиздириладиган олд ўриндиқларга эга бўлди.

Компаниянинг илк “буханка”си 1965 йилда пайдо бўлган эди. Уни сўнги бор 2011 йилда модернизация қилишди.

Ульянов автозаводи янги маҳсулотнинг интерьери фотосуратларини намойиш этмади, аммо асбоблар панелининг ягона жосуслик сурати “Уазбук” сайтида эълон қилинди.

“УАЗ” тижорий машиналарида шовқин ва титраш (вибрация)дан ҳимоя кучайтирилган бўлиб, орқа қаторда қўшимча иситгич ўрнатилган. Ниҳоят, “буханка”нинг роми ва кузовни мустаҳкамловчи кронштейн (таянч)лар кучайтирилган.

Транспорт воситаси двигателига ўзгартиш киритилмаган. Тижорий автомобиль ҳаракатини 112 от кучига тенг 2,7 литрли бензинли ЗМЗ-409 мотори таъминлайди. Трансмиссия – беш диапазонли «механика».

“УАЗ” тижорий автомобилларининг модель қатори юк ва йўловчи ташувчи, шунингдек, тайёр созламалар асосида турли хил махсус маҳсулотларни ташишга мўлжалланган талқинлари билан тўлдирилган. Россияда унинг баҳоси 389 минг рублдан бошланиб, энг қиммат модификацияси 419-990 минг рублдан таклиф этилмоқда.