"УзАуто Моторс"  Powertrain двигателни маҳаллийлаштириш учун 93 млн доллар олади

Маблағлар “Credit Suisse” ва “Raiffeisen” томонидан ишлаб чиқариш ускуналар учун 10 йилга ажратилади.

“УзАуто Моторс"нинг моторга ихтисослашган бўлими янги турдаги двигател ишлаб чиқаришни маҳаллийлаштириш учун кредит олади, дея хабар бермоқда Ягона корпоратив ахборот портали.

“UzAuto Motors Powertrain” акциядори икки хорижий банк билан кредит шартномасини тузишни маъқуллади. Швейцариянинг  “Credit Suisse” ва Австриянинг “Raiffeisen” компаниялари $52,1 млн ва €36,5 млн (жами $93 млн ёки Марказий банк курси бўйича 1,01 трлн сўм) миқдорида маблағ ажратади.

Кредит 10 йил муддатга берилади. Ушбу пул эвазига компания CСС Приме двигателларини ишлаб чиқаришни маҳаллийлаштириш учун зарур ускуна ва бутловчи қисмларни сотиб олади — у кредит учун гаров сифатида ҳам ишлайди.

Хусусан, айни йиғилишда Сингапурнинг  “Jebsen & Jessen”  компаниясидан €50,05 млн ва $20,56 млн лик асбоб-ускуналар сотиб олиш бўйича келишув маъқулланди. Шундан 15%и компания ҳисобидан, 85% эса кредит ҳисобидан тўланади.

Битимлар тузиш ва зарур ҳужжатларни имзолаш учун “UzAuto Motors Powertrain” бошқарувчи директори Саидазим Ғуломов рухсат олди.

Бундан аввал, 14 феврал куни Шавкат Мирзиёев “УзАуто Моторс” компаниясига янги двигателлар ишлаб чиқаришни йўлга қўйиш бўйича топшириқ берган эди. Бундан ташқари, янги Оnix ва Тrаcкеr моделларини чиқариш 2022-йилда ўзлаштирилади. Учта инвестиция лойиҳасининг умумий қиймати $336 млн ни ташкил этади.