“UzAuto Motors” янгиланган Chevrolet Traverse ва Tahoe  моделларига сотув бошланганини эълон қилди

Ҳашаматли автомобил ихлосмандларига таниш бўлган янгиланган Chevrolet Traverse ва Chevrolet Tahoe 2022 моделлари учун бугундан бошлаб шартнома тузиш мумкин.

Янгиланган Премиум автомобиллар ёқимли саёҳатлар учун қулай ва энг илғор хавфсизлик хусусиятларига эга бўлганлиги билан олдингиларидан фарқ қилади.

Chevrolet Tahoe  2022

Узунлиги беш метрдан ошиқ бўлган автомобил салобатли кўринибгина қолмай, ёнилғи сарфини камайтириш учун замонавий 5,3 литрли двигател ҳамда 10 поғонали автоматик узатмалар қутиси билан жиҳозланган. Чевролет Таҳое двигатели 343 от кучига эга бўлиб, 512 Нм максимал айланиш моменти- 8 сонияда 100 км/сгача тезланади.

Chevrolet Tahoe  "Magnetic Air Ride Control" пневматик осма тизим билан жиҳозланган. Автомобиль ҳар қандай шароитда қўлланилишидан қатъий назар ҳар қулай ҳаракатланишни таъминлайди. Автоматик круиз-контрол тизими автомобилни ҳаракатланиш қаторида ушлаб туриб, доимий барқарорлигини таъминлайди ҳамда тўсатдан тўсиқ пайдо бўлганда автоматик тарзда тормоз тизимини фаоллаштиради. 

Янги Chevrolet Tahoe 2022 10,2 дюмли сенсорли ахборот-кўнгилочар экранига эга. Шунингдек, унга 9 та калонкадан иборат премиум "Босе" динамиклари уланган. Экранда автомобил ҳолатини 360 градусда кўриш мумкин.

Chevrolet Tahoe 2022 йил моделининг янги опсиялари қуйидагилар:

– Панорамали люк;

– симсиз қувватлаш қурилмаси;

– пиёдаларни аниқлаш тизими;

– ҳаво айлантириш хусусиятига эга бўлган чарм ўриндиқлар;

– масофадан гараж эшигини бошқариш функцияси;

– 3 зонали иқлим назорати (климат-контрол) тизими;

– тўлиқ олд ва орқа диод фаралар;

– ўчириш функциясига эга старт/стоп тизими;

– олд ўриндиқлар вентилясияси.

–   360ͦ  камера;

– ҳаракатланиш қаторини сақлаш ва бошқалар.

Chevrolet Traverse 2022

Traverse 3.6 литрли В6 двигатели 318 от кучига эга бўлиб, 7.6 сонияда 100км/с гача тезланиш билан автомобилни қулай бошқаришни ҳамда ёқилғи тежамкорлигини таъминлайди. Етти ўриндиқли автомобил қулайлик учун энг сўнгги функциялар билан бирга кўнгилочар ҳамда хавфсизлик бўйича энг илғор технологияларни таклиф этади.

Рангли 8 дюмли сенсор экран 10 та калонкадан иборат премиум "Босе" динамикли мултимедиа тизимига эга. Хавфсизлик технологиялари ва техник хусусиятлари туфайли Траверсе билан йилнинг исталган вақтидаги ҳар қандай сафарда ўзингизни янада ишончли ва эркин ҳис қиласиз.

Traverse 2022 йил моделининг янги опсиялари қуйидагилар:

–   Олдидаги транспорт воситасига мослашувчан круиз-контрол

–   автоматик тормоз тизими;

–   тўлиқ олд ва орқа диод фаралар;

–   ўчириш функциясига эга старт/стоп тизими;

–   хавфдан огоҳлантирувчи ўриндиқ;

–  олдидаги автомобилга нисбатан дистанция мониторинг системаси;

–  ҳаракатланиш қаторини сақлаш;

–  симсиз қувватлаш қурилмаси ва бошқалар.

Traverse ҳамда Таhoe 2022 моделлари учун шартномани УзАуто Моторснинг қуйида номлари келтирилган расмий дилерларидан олишингиз мумкин.

– Нурафшон Аутоcентре

Манзил: Тошкент вилояти, Нурафшон шаҳри Бирлик МФЙ, Тошкент йўли кўчаси. 

Телефон: (97) 705 02 22; (71)-203-30-20

– Дриверс Виллаге

Манзил: Тошкент шаҳри, Зангиота тумани, Ўзгариш КФЙ, Кичик Халқа Йўли

Телефон: 371-200-70-70; 371-200-07-00

– Сергели-Автотеххизмат

Манзил: Сергели тумани, Обиҳаёт кўчаси, 39.

Телефон: 78-147-74-77

Traverse 2022 йил модели:

- Бошланғич комлектация: 408 009 595  сўмдан.

- Премиер АТ МЙ22 комлектация: 563 130 435 сўм.

Chevrolet Tahoe 2022 йил модели:

–    Бошланғич  комлектация: 519 728 198 сўмдан.

–    РСТ АТ МЙ22 комлектация: 823 913 043 сўм.

*Нархлар ҚҚСсиз кўрсатилган.