Yamaha ўта енгил спорткар яратди

Yamaha компанияси Sports Ride Concept юқори енгилликдаги спорткар прототипини яратди. Концепт-кар Токио автосалонида намойиш қилинди.

Янги машинанинг узунлиги 3900 мм, кенглиги – 1720 мм, баландлиги – 1170 мм. Икки ўринли модел массаси 750 кг га тенг.

Прототипни қуришга 5 ой сарфланди. У iStream технологияси бўйича ишланган. Муҳандис Гордон Мюррей томонидан патентланган ушбу технология Motiv концептида ҳам ишлатилган эди.

Токиода 2 йил муқаддам кўрсатилган Motiv компакт-кари шиша-пластикли кузовга эга бўлган бўлса, Sports Ride Concept’нинг кузов панеллари карбондан ясалган.

Купенинг куч қурилмаси ҳақида расмий маълумот йўқ. У модернизация қилинган 1 литр ҳажмга эга 3 цилиндрли мотор билан таъминланган. Motiv ҳам у билан комплектация қилинган эди. Компакт-карда унинг қуввати 70-80 от кучига эга эди.