O‘zbekiston, Afg‘oniston, Qirg‘iziston va Xitoy transport koridori orqali tovarlar yetkazib berishni tezlashtirishni muhokama qildi

Davlatlar vakillari logistika infratuzilmasini rivojlantirishga qaratilgan to‘rt tomonlama bayonnomani imzoladilar.

“O‘zbekiston temir yo‘llari” AJ tashabbusi bilan Xitoyning xalqaro logistika kompaniyasi ishtirokida O‘zbekiston, Afg‘oniston va Qirg‘iziston temir yo‘llari ma’muriyatlari vakillarining to‘rt tomonlama uchrashuvi bo‘lib o‘tdi. Bu haqda “O‘zbekiston temir yo‘llari” AJ Matbuot xizmati xabar berdi.

Tadbirda tomonlarning logistika infratuzilmasini modernizatsiya qilish, Xitoy Qashg‘aridan Afg‘onistondagi Hayraton stansiyasiga yuk tashishni tezlashtirish masalalari muhokama qilindi.Afg‘oniston tomoni uchrashuv chog‘ida e’lon qilingan qarorlarni qo‘llab-quvvatladi. Uchrashuv ishtirokchilariga qilgan murojaatlarida Afg‘onistonning O‘zbekistondagi elchisi A.X. Elmy va Afg‘oniston temir yo‘llari boshqarmasi boshlig‘i A.B. Sharofat O‘zbekiston tomoniga har tomonlama qo‘llab-quvvatlagani uchun minnatdorlik bildirdi.

Uchrashuv yakunlari bo‘yicha to‘rt tomonlama protokol imzolandi.