Янги қиёфа берилган Toyota Corolla суратларини томоша қилинг
Интернет тармоғида янгиланган “Королла” суратлари тарқалди. Corolla седанининг янги қиёфа берилган (рестайлинг қилинган) европача версияси баҳорда кўрсатилган, аммо машинанинг ичкариси сирлигича қолганди. Суратга қарасак, янгиланган седан олд қисми (радиатор панжараси, диод чироқли фаралари ва бампери) бошқача кўриниш олган.
Яқинда Туркиянинг Oto Teknik Veri портали автомобиль салонининг суратларини нашр этди. Янгиланган интерьерда айлана дефлектор, микроиқлим созлагичининг бошқача блоки, шунингдек, 7 дюймли сенсор экранли замонавийлашган мултимедиа тизимини кўриш мумкин.
Янгиганган Toyota Corolla Европада шу йилнинг ёзидан савдога чиқади.